Anoetako Udaletxeak, udalerriko euskararen erabilera bultzatzeko neurrien baitan, euskarako ikasleei ekonomikoki lagunduko die, baita UEUko udako ikastaroak euskaraz egin dituztenei.

Laguntzak uda honetan euskara ikasteko ikastaroak egin dituzten bizilagunei eta Udako Euskal Unibertsitatean (UEU) ikastaroren bat egin dutenei zuzendua dago.

Laguntzaren eskaera egiteko ondorengo dokumentuak aurkeztu behar dira:

- NAN fotokopia.

- Lan egoera egiaztatzen  duen dokumentua (ikaslea, jubilatua, langabetua).

- Kontuaren titularra egiaztatzeko aurrezki kutxaren ziurtagiria.

- Ikastaroaren ordainketa ziurtatzen duen dokumentua.

Villabonako Juan Antonio Ubillos Helduentzako Hezkuntza (HHI) zentroan 2008-09 ikasturterako izena-emateko epea zabalik jarraitzen du ondorengo oinarrizko mailetan:

Ikastaroaren arabera, goizez edo arratsaldez eskainiko dira eta iraupena ere aldakorra izango da (2, 5, 10 edo 12 ordu) astean.

-Oinarrizko ezagutzen sakontzea (irakurmena, idazmena eta kalkulua).
-Etorkinentzako euskara eta gaztelania.
-Hizkuntzak (euskara, gaztelania eta ingelesa).
-Informatika.
-Kultura orokorra.
-Bigarrengo Graduatua.
-Ondorengo modulu hauek ere eskainiko dira: ortografia, idazketa eta oroimen-ariketak.

Informazio gehiago nahi izanez gero:

• Zentroa: Erreboteko plaza.
• Ordutegia: 09.30-13.00 eta 15.00-18.00, astelehenetik ostegunera.
• Telefonoa: 943 690312.